2010 წლის 5 აგვისტო.

საბურთალოზე, მარიჯანის 2ა ნომერში, გაიხსნა თანამედროვე სტანდარტების შესაბამისი, „იამატო“–ს პირველი სერვისცენტრი, რომელშიც მომხმარებელს შეუძლია მიიღოს საავტომობილო მომსახურება: ძრავში, ავტომატურ და მექანიკურ გადაცემათა კოლოფში, ხიდებში და გამანაწილებელში ზეთის შეცვლა; საჭის სამართავ მექანიზმში და სამუხრუჭე სისტემაში სითხის შეცვლა; მუხრუჭების შეცვლა.

ავტომფლობელები უფასოდ ისარგებლებენ ძრავში ზეთის შეცვლის სერვისით.

 „იამატო“–ს ბრენდ მაღაზიში, რომელიც განთავსებულია სერვის ცენტრის მეორე სართულზე, წარმოდგენილია ევროპული, ამერიკული და იაპონური ავტომობილებისთვის სპეციალურად დამზადებული, მსოფლიო ბრენდების ძრავისა და ტრანსმისიის ზეთები, სამუხრუჭე ხუნდები, ძრავის ზეთის ფილტრები.

კომპანიის მენეჯმენტის გადაწყვეტილებით, უახლოეს მომავალში იგეგმება რამდენიმე ახალი სერვისცენტრისა და ბრენდ მაღაზიების გახსნა საქართველოს მასშტაბით, ასევე ახალი პროდუქციისა და სერვისების  დამატება.